Noori Mehfil Pe Chaadar Tanee Noor Ki
Noor Phayla Huwa Aaj Ki Raat Hai
Chandni Mein Hain Dubey Huwe Do Jahaa(N)
Kaun Jalwa Numa Aaj Ki Raat Hai
Farsh Par Dhoom Hai Arsh Par Dhoom Hai
Badnasibi Hai Uski Jo Mehroom Hai
Phir Mile Gi Yeh Shab Kis Ko Maloom Hai
Aam Lutf E Khuda Aaj Ki Raat Hai
Abray Rehmat Hai Mehfil Pe Chaye Huwe
Aasman Say Malaik Hain Aaye Huwe
Khud Muhammed Hain Tashreef Laye Huwe
Kis Qadar Jaa(N) Fiza Aaj Ki Raat Hai
Maang Lo Maang Lo Chashme Tar Maang Lo
Dard E Dil Aur Husn E Nazar Maang Lo
Sabz Ghumbad Ke Saaye Mein Ghar Maang Lo
Maangne Ka Mazaa Aaj Ki Raat Hai
Momino Aaj Ganj E Sakha Loot Lo
Loot Lo Ay Marizo Shifa Loot Lo
Asiyo Rehmat E Mustafa Loot Lo
Baab E Rehmat Khula Aaj Ki Raat Hai
Khoob Hone Do Ashkoon Ki Barsat Ko
Do Salami Muhammed Ki Baarat Ko
Choom Lo Chum Lo Aaj Ki Raat Ko
Shab Qadar Ke Guma(N) Aaj Ki Raat Hai
Waqt Laye Khuda Sab Madine Chalein
Lutne Rehmatoon Ke Khazeene Chalein
Sab Ki Manzil Ki Janib Safine Chalein
Meri Saaim Dua Aaj Ki Raat Hai
Audio Credits: owaisqadri.com